Havanın soyuq,  yolların qarlı olmasına baxmayaraq Bakı məktəblərində davamiyyət qənaətbəxş olub. 193 saylı məktəbdə də dərsə gələn şagirdlərin sayı gözləniləndən çox olub.  Bu barədə  məktəbin direktoru https://loveshusha.com/ saytına açıqlamasında Nihal Hacıyeva bildirib. Təbii ki belə havada məktəblilərin fikri qartopu oynamaqda qalır. Bunu  nəzərə alaraq məktəb rəhbərliyi  maraqlı addım atıb.  9-11 –ci siniflərdə təhsil alan şagirdlər üçün Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Cəmiyyətin və Medianın İnkişafı” İctimai Birliyinin icra etdiyi “Şuşanı tanıyaq, tanıdaq!” layihəsi çərçivəsində  çəkilən  “Şuşanın 270 anı" bədii-sənədli filmi nümayiş etdirilib.  Şagirdlər filmi izlədikdən sonra təmiz havada qartopu oynayıblar.