2023-cü ilin əvvəllərində Kiçik və Orta
Biznesin İnkişaf Agentliyinə Azərbaycanın işğaldan azad olunmuş ərazilərində
biznes qurmaq istəyən 1 339 min sahibkardan müraciət daxil olub.
Kiçik və Orta Biznesin İnkişafı Agentliyinin
sədri Orxan Məmmədov 2022-ci ilin yekunlarına həsr edilmiş mətbuat konfransında
bildirib ki, müraciətlərin 873-ü yerli investorlar tərəfindən, 466-sı isə 37
xarici ölkədən olan investorlar tərəfindən daxil olub.
“Xarici investorların müraciətlərinin arasında
əsasən Türkiyə, Qazaxıstan, Macarıstan və Rusiyadan olan müraciətlər üstünlük
təşkil edir. Bundan başqa, investisiya layihələri üzrə müraciətlərin 36 faizi
ticarət və xidmət sektorunun, 27 faizi sənaye sektorunun, 26 faizi aqrar
sektorun, 11 faizi isə inşaat, turizm, səhiyyə, təhsil və mədəniyyət sektorunun
payına düşür”,- o deyib.
O.Məmmədov həmçinin, 2022-ci ildə Zəngilan
rayonunun Ağalı kəndində dövlət-özəl sektorun tərəfdaşlığı əsasında kiçik və
orta biznesin inkişafı subyektlərinə xidmət göstərən sahibkarlığa dəstək
mərkəzinin açıldığını xatırladıb.