Azərbaycan Respublikasının Prezidenti İlham Əliyevin
tapşırığına əsasən, Türkiyədə baş vermiş zəlzələnin nəticələrinin aradan
qaldırılmasında iştirak edəcək Fövqəladə Hallar Nazirliyinin ilkin olaraq 370
nəfərdən ibarət çevik xilasedici qüvvələri yaxın saatlarda xüsusi təyyarə ilə
Adana şəhəri hava limanına yola düşəcəklər.
Həmçinin ilkin
yardım məqsədilə çadırlar, yataq dəstləri, tibbi ləvazimatlar və digər zəruri
vasitələri hadisə yerinə çatdıracaq ikinci təyyarə də hazırlanır və ən qısa
zamanda onun göndərilməsi nəzərdə tutulur.