Ağdamın
7 kəndi keçmiş təmas xətti ərazisinə düşür. 2 kilometrlik radiusda 49483 ədəd
tank və piyada əleyhinə minalar var. Təhlükəsiz yaşayışı təmin etmək üçün bu
ərazilər təmizlənməlidir. Örüş ərazilər hələ ki, təyin edilməyib.Bu barədə
Şəhərsalma məsələləri üzrə İşçi qrupunun Ağdamda keçirilən iclasında Azərbaycan
Respublikasının Minatəmizləmə Agentliyinin (ANAMA) Təmizləmə və tədqiqat
şöbəsinin müdiri İdris İsmayılov bildirib.
“Xudafərin
kəndi ilə magistral yol arası 15-16 kilometrdir. Burada hər hansı yolun
təmizlənməsi nəzərdə tutulmayıb. Soltanlı kəndində sənaye parkı yaradılacaq və
bu yolda 450 tank əleyhinə mina var. Təkcə Ağdamda 64 mina hadisəsi baş verib.
Ümumilikdə, 282 mina hadisəsi olub”, - deyə o əlavə edib.