Qayıdış proqramında 200-dən çox Laçın sakini işlərə cəlb
olunub. Onlar Laçında həyata keçirilən quruculuq-abadlıq işlərində iştirak
etmək üçün könüllü olaraq müraciət ediblər. Həmin şəxslər bu gün öz ata-baba
yurdlarında Qayıdış proqramına əsasən quruculuq işlərində çox yüksək səviyyədə,
yaxından iştirak edirlər.
Bu sözləri
Laçında həyata keçirilən layihələr üzrə iş icraçısı Elnur Abdullayev deyib.
E.Abdullayev
bildirib ki, Prezident İlham Əliyev Laçın rayonuna səfəri çərçivəsində Qorçu və
Şəlvə kəndlərinin təməlqoyma mərasimində iştirak etdi. Laçın sakinlərinin
Qayıdış proqramında işlə təmin olunması Prezidentin diqqət mərkəzindədir.
Bununla bağlı Aqro və Sənaye Parkında 40-dan çox iri və xırda müəssisələrinin
tikintisi işləri aparılır. Burada mebel, tekstil istehsalı və digər müəssisələr
qurulur. Artıq ilkin mərhələ olaraq işlərin böyük bir qismi aparılıb. Buradakı
müəssisələrdə 1000-dən çox Laçın sakininin işləməsi nəzərdə tutulub.
“Laçın
şəhərində artıq 20 ailə yerləşdirilib. Laçın öz sakinlərini qəbul etməyə
hazırdır. Mərhələli şəkildə bu insanların yerləşdirilməsi işləri aparılır.
İnsanlar da çox məmnun və çox razıdırlar. Sakinlərin adaptasiya olmaları üçün
onlar davamlı olaraq diqqət mərkəzində saxlanılır”, – deyə Elnur Abdullayev
bildirib.